منطقة الأعضاء





>

برامج الامن والحماية security & safety امن وحماية المعلومات ، طرق الحمايه من الاختراقات ، دروس وتعليمات لحماية جهازك ، والحماية من الهكرز hacker ، برامج حمايه 2013 ، برامج حماية من التروجات والتجسس ، برامج الكاسبر 2014 ، برامج حماية مجانيه security programs ، security and safety

إضافة رد
 
LinkBack أدوات الموضوع
  #1  
قديم 07-26-2009, 06:35 PM
الصورة الرمزية Admin
اداري
 
تاريخ التسجيل: Aug 2008
الدولة: KSA
المشاركات: 20,371
معدل تقييم المستوى: 10
Admin has a reputation beyond reputeAdmin has a reputation beyond reputeAdmin has a reputation beyond reputeAdmin has a reputation beyond reputeAdmin has a reputation beyond reputeAdmin has a reputation beyond reputeAdmin has a reputation beyond reputeAdmin has a reputation beyond reputeAdmin has a reputation beyond reputeAdmin has a reputation beyond reputeAdmin has a reputation beyond repute
افتراضي تصليح اعطال الفلاش ميموري


ملحوظه هامة
الموضوع طويل فأرجو قراءة الموضوع كاملا ـ هتستفيد أكيد ــ
مستعجل و مش عاوز الحوارات دي خش علي ملحق 2 في اخر الموضوع

أخواني
كما هو واضح من العنوان الموضوع الاول لي في هذا المنتدي هو لتصليح الفلاش ميموري بعد ان كترت المواضيع بخصوص عدم القدرة علي فرمته الفلاشه او تقلص حجم الفلاشه او الرساله الخنقه المشهورة الفلاشه محمية ضد الكتابه ــ صدقني بعد الموضوع هتحب الرساله دي- عموما زي ما قلت دي اول مرة اكتب موضوع فسامحوني لو التنسيق مش قد كدهتصليح اعطال الفلاش ميموري redface.gifتصليح اعطال الفلاش ميموري redface.gifتصليح اعطال الفلاش ميموري redface.gifتصليح اعطال الفلاش ميموري redface.gif او لو الواحد اتكلم كتير بس إن شاء الله هحاول أوصل الفكرة علي قد ما أقدر


*البداية


هما فلاشتين حالتهم كانت ارض ارض او تحت الارض الواحد جرب معاهم كل حلول المنتدي مفيش فايده من هدية الميك****ي الي القمه يساند الميك****ي الي الخبطة الميك****اوية الي حل الاخوة احمد شخشير و الفاتح و الحل الساحق لاصلاح ذاكرة الفلاش الكسيحه الي اخره استعملت جميع برامج اسطوانه الهيرنز من الدوس لعل و عسي لا فائده بل زدت من البحث علي النت حلين لم يطرحوا بعد في المنتدي الاول هو الفرمته من علي جهاز Linux قرات في كام منتدي ان اللينكس له مفعول السحر في الفرمته استعنت بالله و حملت لينكس و مفيش برضه فايده هو حتي السحر حرام... قالك في اسطوانه تقسيم متخصصه 300 ميجا مش فاكر اسمها دلوقتي و برضه مفيش فايده بجدت كنت فكرت اسلم و ارجع الفلاشين لاصحابهم و اسجل اول حاله فشل في السجل بتاعي حتي.......


** إيه الفرق بين كل الحلول السابقه و الحل الجاي؟؟؟!!!!!


معلشي طولوا بالكو معايا هضرب مثال بايخ حبة و طويل حبتين
تخيل لو إنك عندك ويندوز و حصل فيه قلق يعني لعب في الريجستري علي كام فيرس علي ملفات سيستم ناقصه علي كل اللي يجي علي بالك و الجهاز قارفك اخر قرف ايه الحل في الحاله دي ؟؟
طبعا واحد هيقولك ستب الكاسبر ــ اكيد من اللي بيحبوه ـــ يجيلك واحد من اللي بيكرهوه و يقولك نود و التالت افيرا و الرابع يقولك الهاي جاك اولا و هتقعد أخي الكريم ترقع في النسخه من هنا و من هنا و يا عالم ممكن الحلول تظبط و ممكن لا



طيب ايه الاريح؟؟ انك تفرمت و تسطب ويندوز من جديد طالما هاردوير الجهاز سليم و عندك نسخه ويندوز نضيفه فرمت و اتكل و انسي كل المشاكل دي دا تقريبا الحال مع الفلاش كل فلاش عليه برنامج بيحدد ماركته و سعته و قابليه الكتابه و كل شئ خاص بالفلاش أيوة مظبوط اسمه firmware و بيبقي موجود علي حاجه اسمها شيبchip دا في المثال بتاعي يقابل الويندوز و في جزء من الفلاش اسمه الروم او الذاكرة memoryو دا اللي انت بتحط الملفات عليه و دا ممكن نسيمه في المثال بقيت الهارد و القلق اللي عليه
كل الحلول السابقه بتلعب علي الذاكرة يعني مثلا انت عاوز تفرمت الفلاشه الامر تنفيذه بيتم علي الروم بس لازم الfirmware هو اللي ينفذ طيب امتي تنفع الحلول دي لو الفيرم وير كويس و المشكلة في الروم طيب ايه اللي يحصل لو الفيرم نفسه او الشيب هو اللي باظ او ببيبوظ طبعا انسي مش هتعرف تطبق امر واحد علي الروم


طيب جواب السؤال بقي —سؤال ايه تصليح اعطال الفلاش ميموري confused.gifتصليح اعطال الفلاش ميموري confused.gifتصليح اعطال الفلاش ميموري confused.gif— الاحمر الحلو اللي فوق دهتصليح اعطال الفلاش ميموري mad.gifتصليح اعطال الفلاش ميموري mad.gifتصليح اعطال الفلاش ميموري mad.gif الفرق بين الحل ده و اخواته ان الحل ده ببساطه بيتعامل ابتداء مع الشيب هنفرمت الشيب—يعني هنشيل الويندوز—و بعد ما نزل شيب جديد نقوله فرمت و بس
أتمني تكون الفكرة وصلت طيب ازاي دا هيحصل هنشوف


*** VID & PID


طبعا عقلا مش معقول كل الفلاشات باختلاف ماركتها و موديلاتها ليها شيب واحد كل فلاشه ليها اللي يخصها و خلي بالك مش كل ماركة نظام شيباتها واحد كل فلاشه علي حده
طيب ايه علاقه الكلام ده بالعنوان اللي فوق pid vid علاقه وثيقه ال vid بيدل عل الشركة المصنعه وال pidعلي المنتج v vendor و الp product
طيب سؤال انا هعرفهم مينين سؤال كويس و دا ميعاد اول برنامج معانا و الاخير تقريبا
Checkudisk
chip genius
132 كيلو بس مفتاحك لفلاشتك و مايغركشي حجمه يا ما مشاكل كانت حلولها في برامج اصغر من كده
كما في االصورة
تصليح اعطال الفلاش ميموري 001wm.jpg



كدا مثلا عرفنا ان الفلاشه كينجستون الفيد بتاعها 0951 و البيد 1613
كده انت عرفت الvid والpid دي أهم خطوة و يا ريت اللي بعد كده عاوز مساعده في فلاشته يذكر البيد و الفيد و الحجم


طيب قشطه ايه اللي بعد كده اللي بعد كده نشوف الفيرم وير و انتوا شكلكو كده ربنا بيحبكو لاني كنت ناويلكم علي منتدي صيني في كل البرامج اللي ممكن تتخيلها وبعدين سالت مشرفنا الهترك قالي احتمال الموضوع يتعرض للقصف و كنت هحط الموضوع علي كده خصوصا ان معظم الاخوة لبلب في الصيني بس ربنا كرمكوا بموقع روسي فمحدش له حجه بقي مع اني كنت افضل المنتدي الصيني لانهم عاملين أداة تححد ليك البيد و الفيد و تخدك علي صفحه التحميل مباشره يعني محدش من المشرفين يقول دعايه لانه صييني صيني يعني حاجات و رسومات حلوة كده بس قولت خليك في المضمون و التزم بقوانين المنتدي ممكن يثبتو الموضوع ولا حاجه-بحلم حد عنده مانع—ايه ده الكلام خدنا الموقع الروسي
http://www.flashboot.ru/iflash.html
و التحميل منه سهل بص كده
تصليح اعطال الفلاش ميموري 002wm.jpg




و بعدبن دوس
تصليح اعطال الفلاش ميموري 003wm.jpg
و بعدبن عشر ثواني و يبدا التحميل او لو مستعجل دوس هنا


تصليح اعطال الفلاش ميموري 004wm.jpg
و لكن انا شايف ان في برامج محطوط اسمها بس و مفيش اكتف لنك
عموما انا مستعد ارفع لكم من المنتدي اياه اللي انتو عاوزينه بس قولت أكيد كلكم بتحبوا سياسة علمني الصيد و بلاش سياسه السمكه دي
و من باب و بضدها تتمايز الاشياء دي صورة للبرنامج الصيني


تصليح اعطال الفلاش ميموري 005wm.jpg



طيب بعد محاضرة التاريخ الطويلة دي بصراحه انا اول مرة اشوف واحد اتكلم كتير كده و محطش غير برنامج واحدتصليح اعطال الفلاش ميموري biggrin.gifتصليح اعطال الفلاش ميموري biggrin.gifتصليح اعطال الفلاش ميموري biggrin.gifتصليح اعطال الفلاش ميموري biggrin.gifتصليح اعطال الفلاش ميموري biggrin.gifتصليح اعطال الفلاش ميموري biggrin.gif


بس دا منطقي برضه لان عدد برامج الشيب علي الموقع دا معدي و المنتدي مليان عن كده بكتير فارفع ايه ولا ايه بس انا قولت اشارككم المعلومة و مع ذلك الاخ اللي عاوز مساعده في البرامج اي خدمه من رفع البرنامج ليه لشرح سريع للاوبشن و كان في كام اخ المتهاذي و أيمن ماجد و mask2006
كلهم عندهم مشاكل في الفرمته او المساحه و لسه لم تحل و قولت لكل واحد في موضوعه نكمل هنا ان شاء الله
ف ربنا يسهل معانا خميرة اهه تلات فلاشات




**** طيب أن فلاشتي سليمه ليا في الليله دي؟؟!




طبعا و بصراحه انا شايف ان الشغل علي الفلاشات السليمه أمتع ستين مرة ... ازاي؟؟؟
طبعا نسيتوا كلكو وانا عاذركم و اللي فاكر يبعت رد و يقولي و له عندي هدية كويسه
أنا قولت في الاول ان الرساله الخنيقه محمي ضد الكتابه هتحبها بعد كده و محدش سال ازاي اقولك ازاي
حتت انك تفرمت الفلاشه بعد ما تنزل فيرم وير جديد ماشي حل مشكله بس تخيل انت دلوقتي الفيرم وير لعبه في ايديك يعني ممكن تعمل الاتي


1-تقسم الفلاشه بارتشنين او اكتر و يتعرفوا كانهم فلاش برضه دا خلاف الحل المشهور انك تجيب تعريف microhitachi,و تحدث تعريف الفلاش في الويندوز من ناحيه ان القسمه عن طريق الفيرم وير علي مستوي الفلاشه يعني في اي جهاز انما الحل التاني لازم كل جهاز تقعد عليه تحدث التعريف


2-و ممكن تخلي الفلاشه تتعرف علي اساس انها هارد ديسكو برضه التقسيم براحتك سواء دوس او ويندوز لان برامج التقسيم هتقراها هارد


3- ممكن تعمل بارتشن محمي ضد الكتابه بايدك-في حد بيروح للبلا برجليه اه- طيب هستفيد ايه من كده؟


بصراحه انا شايف انه المثالي الواحد يقسم الفلاشه حتيتن أول حته نحط فيها برامج البورتابل بتاعتنا الملفات الشخصيه الحاجات اللي ه ثابته علي الفلاشه و بعدين نحميها ضد الكتابه و جزء تاني فري لو حبيت تحط عليها حاجه تنقل بيه يعني
طيب استفدت ايه كتييييييير اولا ممكن تروح عند اي جهاز مفيرس و انت مطمن ثانيا ممكن تصلح الجهاز التاني بالفلاشه يعني مفيرس مثلا حط الفلاشه ولا يهمك و شغل اسكان من الجزء المحمي حتي لو الجزء الفري اتقيرس بدل ما تعمل سكان علي الفلاشه كلها اعمل علي الفري بس او حتي فرمته حلوة مش كده انا عارف ان المعظم هيجرب
ملحوظه بخصوص البارتشين المحمي ممكن يبقي عبارة عن سيدي روم –في شيبات كده—تحط الفلاشه تلاقي بارتشن و سيدي روم ظهروا و سبحان الله يخلق ما لا تعلمون



4-عارفين الفلاشات اللي بيجي معاها برنامج سيكيورتي و تلاقي صاحبها فرحان بيها قوي ايه يعني احنا كمان ممكن نعمل سيكيورتي و بنفس النظام و يمكن احسن كمان لان في شيبات بالذات الكينجستون ممكن تخلي الجزء السيكيور و العادي ظاهرين في نفس الوقت


5-ممكن تلعب في مساحه الفلاشه افرض عندك نص ضارب من الميموري ممكن تحد الفلاشه لحجم معين


6-ممكن تلعب كما لم تلعب من قبل يا راجل دا انت ممكن تتحكم في اللمبة بتاع الفلاش مش اللون طبعا بس ممكن تنور مستمر امتي و تقطع امتي و تطفي امتي و ممكن برضه تلعب في الكهربة اللي الفلاشه هتسحبها من الجهاز من الاخر كل ما لا يمكن ان تتخيله
مثلا انا فلاشتي عادية خالص Kingston dt 100 8gbمن غير برامج ولا يحزنون بعد ما قرات دليل البرنامج ودي ميزة لان معظم البرامج من غير helpيعني يا اما تكون عارف بتعمل ايه او اسال و استشير ــــ بس من غير النجمه الذهبية تصليح اعطال الفلاش ميموري wink.gif ـــلقيت ان فلاشتي ممكن تتقسم ب 6 مود مختلفين بص كده



تصليح اعطال الفلاش ميموري 006wm.jpg
و برضه
تصليح اعطال الفلاش ميموري 007wm.jpg
طبعا الصورشارحها نفسها




7-ممكن تلاقي برامج لفلاشتك مثلا اول فلاشه جتلي كان شيباتها من انتاج شركة usbest لما روحت للموقع لقيتهم حطين برنامج للشيب ده و مع ان الفلاشه خرجت من بيت ابوها من غير برامج البرنامج اشتغل تمام و اداني امكانيات كالتالي


تصليح اعطال الفلاش ميموري 008wm.jpg
و دا البرنامج لكل من لديه فلاشه شيب ut165


UFD

و كمان هدية ـــ هيصه ــبرنامج حل مشكلة الأخ elmohandis المذكورة هنا
و هو عبارة عن برنامج للفرمته للشيبphison up10 up11
8-للقارئ


*****الخلاصه



أولا ــ الموضوع حصري و بشده و اللي مش مصدق يجيبلي موضوع في كمية الكلام ده و برنامج واحد
ثانيا ــ كل ما ذكر جرب من قبلي علي فلاشات و ليس كلام نظري



ثالثا ــ إن شاء الله بعد اليوم الكل هيصلح الفلاشه بشرط ــ معلشي ارجع معايا — في المثال قولتلك لو قطع الجهاز سليمه نزل ويندوز هنا برضه طالما ال فيد و ال بيد مقريين يبقي خلاص محلوله ان شاء الله يعني محدش يجيبلي فلاشه واخده مطواه ولا غرزة ولا مقسومه اتنين و يقولي دبرني هقوله التدابير لله



رابعا ــ ذي ما قولت اي حد مش لاقي برنامجه يقولي وان شاء الله هجيبهوله


خامسا للمشرفين ــ البرنامج الصيني اريح من نواحي لان الموقع الروسي في حاجات مش موجوده و بعدبن برنامجهم بيخدك علي صفحه فلاشتك تحديدا ف مفيش مجال للخطا بدل ما حد ينزل برنامج مش بتاعه بالظبط ممكن يحصل قلق انما لو مش بتاع فلاشته اصلا مفيش مشاكل لانه مش هيشتغل اساسا فارجو السماح بوضع رابط البرنامج و اسم مستخدم و كلمه سر سوف اعملهم باسم المشاغب لانه منتدي لازم تسجيل و دا مش دعاية لانه صيني يعني الواحد هيحمل ويمشي ارجو اعادة النظر في القوانين مراعاة للمصحه العامة


سادسا ــ لو فلاشتك سليمة و حابب تجرب جمد قلبك و اتكل علي الله قومال مشاغب ازاي و لو فلاشتك بايظه تبقي اتحلت ضربوا الاعور علي عينه و بالمناسبه سؤال مهم ضربوه علي انهي عين؟؟


سابعا ــ اعذروني علي الاطاله هههههههههههههه بس اول مرة مرة بقي و ويمكن اخر مرة لو حد من المشرفين اتخنق و مسح عضويتي و لاحاجه و بما انها اول مرة فالتشجيع و التقييم و يمكن التثبيــ ـــــ بلاش طمع ــــ الحاجات دي بتفرق مع الواحد برضه حتي علشان نكمل بقية المحاضرات
سابعا ـ اي استفسار و اكيد فيه موجود باذن الله لان الموضوع اتعمل بسرعه هههههه تصليح اعطال الفلاش ميموري biggrin.gifتصليح اعطال الفلاش ميموري biggrin.gifتصليح اعطال الفلاش ميموري biggrin.gif اه والله بقالي تلات شهور عاوز اعمله فعذرا الموضوع مختصر و بشدة و عذرا للا يوجد شروح للبرامج لاني بصراحه كنت بصلح الفلاشه و خلاص ماتخيلتش في يوم من الايام اني ممكن اعمل موضوع و احتاج الصور
ثامنا ــــ كل العمليات دي هتمسح الفلاش يعني جرب في فلاشه فاضيه او مش عاوز اللي عليها
تاسعا ــــ في انتظاركم و انتظار تعليقاتكم


تم بحمد الله تعالي
تصليح اعطال الفلاش ميموري t7yati.gif

ملحق 1
انا قولت بما ان الموضوع كثير الكلام قليل الصور اسخن الموضوع شوية و احط شوية صور من فلاشه أخونا المتهاذي ـــ في نفس الموضوع ده ـــ قولت احطها في الصفحه الاولي و هي ملخص لل ممكن تعمله بفلاشتك
بسم الله

تصليح اعطال الفلاش ميموري 11161747.jpg

تصليح اعطال الفلاش ميموري 40217091.jpg
تصليح اعطال الفلاش ميموري 67650574.jpg

يمكن تشجع الاخوة علي التجريب


ملحق 2
نظرا لصعوبة تحديد بعض انواع الفلاشات لقصور البرنامج الموضوع في الموضوع هنضطر نحط البرنامج الصينيchipgenius
و اللينك هنا

رد مع اقتباس
  #2  
قديم 08-04-2009, 12:19 PM
عضو جديد
 
تاريخ التسجيل: Dec 2008
المشاركات: 1
معدل تقييم المستوى: 0
الأسمراني will become famous soon enough
افتراضي رد: تصليح اعطال الفلاش ميموري

صصصصصصصصصصصصصصصصصصصصصصصصصصصصصصصصصصصصصصصصصصصصصصصصصص صصصصصصصصصصصصصصصصصصصصصصصصصصصصصصصصصصصصصصصصصصصصصصصصصص صصصصصصصصصصصصصصصص

رد مع اقتباس
  #3  
قديم 08-06-2009, 02:20 PM
عضو جديد
 
تاريخ التسجيل: Aug 2009
المشاركات: 1
معدل تقييم المستوى: 0
rostom will become famous soon enough
افتراضي رد: تصليح اعطال الفلاش ميموري

شكرا قوووى ليك وانا فلاشتى 8 جيجا كينج ستون

رد مع اقتباس
  #4  
قديم 08-08-2009, 10:02 PM
عضو جديد
 
تاريخ التسجيل: Dec 2008
الدولة: العراق
المشاركات: 2
معدل تقييم المستوى: 0
وليد المطلك will become famous soon enough
افتراضي رد: تصليح اعطال الفلاش ميموري

كيف اصلح الفلاش ميموري بعد تعطله .. تحياتي الك

رد مع اقتباس
  #5  
قديم 08-10-2009, 02:13 PM
عضو جديد
 
تاريخ التسجيل: Aug 2009
المشاركات: 2
معدل تقييم المستوى: 0
fennec2 will become famous soon enough
افتراضي رد: تصليح اعطال الفلاش ميموري

merci merci

رد مع اقتباس
  #6  
قديم 08-11-2009, 12:43 PM
عضو جديد
 
تاريخ التسجيل: Aug 2009
المشاركات: 1
معدل تقييم المستوى: 0
mirolinker will become famous soon enough
افتراضي رد: تصليح اعطال الفلاش ميموري

شكرا على البرنامج بس الصور المرفقة لبرنامج غير الى انا نزلته من الموقع الروسى اللى حضرتك قلت عليه
ونوع الفلاشه مش موجود فى الانواع الموجوده على البرنامج مسبقا
وكمان الرابط بتاع البرنامج الصينى مش شغال

شكرا ليك على المجهود الرائع

رد مع اقتباس
إنشاء موضوع جديد إضافة رد

الكلمات الدلالية (Tags)
ميموري, الفلاش, اعطال, تصليح


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع


المواضيع المتشابهه للموضوع: تصليح اعطال الفلاش ميموري
الموضوع كاتب الموضوع المنتدى مشاركات آخر مشاركة
طريقة اصلاح الفلاش ميموري Admin تحميل البرامج الكامله download programs 10 09-20-2012 01:26 PM
برنامج فلاش ميموري Flash Memory Toolkit لاصحاب الفلاش usb - رهيب الحج قلقوشة تحميل البرامج الكامله download programs 4 10-05-2010 12:08 PM
مكنسة الفايروسات - لإزالة فيروس Auto Run وفيروسات الفلاش ميموري Flash memory Admin برامج الامن والحماية security & safety 36 01-07-2010 12:57 AM
برنامج فحص الفلاش ميموري USB Virus Scan v2.3 من الفيروسات Admin برامج الامن والحماية security & safety 14 12-13-2009 11:22 PM
طريقة قفل الفلاش ميموري بكلمة سر Password مع برنامج Carry It Easy كراي ات ايزي Admin تحميل البرامج الكامله download programs 2 11-13-2009 10:09 PM

العاب طبخ


وصلها
حسب توقيت جرينتش +3 . الساعة الآن 07:21 AM.


Powered by vBulletin® Version 3.8.7
Copyright ©2000 - 2014, Jelsoft Enterprises Ltd.
LinkBacks Enabled by vBSEO © 2011, Crawlability, Inc.
All rights reserved © جميع الحقوق محفوظة

Bookmark and Share

RSS RSS 2.0 XML MAP HTML

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67