طريقة التصوير في اجهزة سوني اريكسون بميزة سايبر شوت cyber-shot

لان الكثير من الاعضاء الي يمتلكون هواتف من فئة سايبر شوت يخطئون في التصوير ..

ويجب يتبعون الطرق السليمة للتصوير وحبيت اسويلكم هالموضوع للمبتدئين في التصوير ..

..............................

1 - التصوير التلقائي ( الاوتو ) : -

وهالخصاية يضبط لك الاوضاع اتومتك على حسب المكان والبيئة والمناخ يعني مثلا اذا المكان مظلم الفلاش يشتغل اتومتك واذا المكان مشمس يتم توقيف الفلاش اتومتك .. الخ

واحيانا ايضا اذا صورت جسم قريب جدا الهاتف يشغل خاصية المايكرو اتومتك ... ولكن لا تعتمد على التصوير التلقائي في كل شي لان في اكثر الاوقات بتحتاج اضبط الاوضاع نفسك بنفسك ..

ااذا المكان مشمس والاضائة ممتاز قد لا تحتاج الى ضبط الاوضاع .. وانما التصوير التلقائي يكفي ....

نصيحة هامه جدا : والكثير من الاعضاء يقعون في الخطاء وخصوصا المبتدئين :

عند التقاط صوره اضغط بشكل نصفي على مفتاح الكيمرا لاستعمال وظيفة الضبط البؤري التلقائي . وثم اضغط بشكل على مفتاح الكيمرا عندما يصبح لون النقطة واطار الضبط البؤري اخضر ..

2 - تحديد الوجه : (( Face detectiom ))

وهالخاصية موجوده في الاجهزه اليديده من فئة سايبر شوت مثل c702 و c902 و c905 :


_ متى تستخدم هالخاصية ؟ اذا تبي تصور صديق او شخص .. الخ وعلى شرط يكون ادمي خخخ

يتم تحسس الوجه واعداد الضبط البؤري على الوجه بفضل وظيفة تحديد الوجه . فتحدد الكيمرا تلقائيا من وجه الى ثلاث وجوه فقط لا اكثر

يعني اذا اربع اشخاص الكيمرا بتحدد ثلا وجوه فقط واذا شخصين بتحدد وجهين واذا شخص بتحدد وجه واحد

بس لازم مايزيد عن ثلاثه اشخاص ...


عندما تختار الكيمرا الوجه الاقرب اليها يتحول لون الاطار المحيط به الى اخضر ويتم التقاط صوره الوجه مع تفاصيل دقيقه ..

.........................................

3 تخفيض تأثير العين الحمراء .. : res eye reduction

الكثير من الاشخاص يشتكون ويقولون اذا صورنا شخص بالفلاش تطلع عيونه حمره وبعدين يقعدون يسبون في الكيمرا وتصوير الجهاز ..

اذا تبي تتخلص من العين الحمراء الطريقة كالتالي :

شغل الكيمرا وروح حق ضوء الفلاش واختار تخفيض عين الحمراء ..


..........................................


4 - التباين الذكي : smart contrast

وهالخاصية موجوده في بعض الاجهزه وخصوصا الاجهزه اليديده سواء في اجهزه سوني او غيرها : ..

بعطيكم مثال بسيط :

وهالخاصية تستخدمها حق الاماكن فيها ظلال يعني مثلا رفيجك واقف تحت شجره والظل عليه بشكل واضح ومن تصوره رفيجك بيكون لونه معتم مظلم .. اهني تختار خاصية التباين الذكي على شان يعدل اللوان وبعدين الصوره بتطلع في غايه الوضوح وبتكون الصوره مشرقه ...

وهلخاصية مفيده حق الاشخاص الي يصورون بالنهار تحت ظلال معين شي طبيعي مابيقدرون يستخدمون الفلاش لان الجو نهار ومشمس .. ولكن خاصية التباين الذكي حلت هالمشكلة وفيده جدا حق الاماكن الي فيهي ظلال .. ...
...............................................


5 - الفلاش :

1 - لا تستخدم الفلاش في الاماكن الي فيها نور بشكل واضح لان الصور بتطلع معتمه ..

2 - بعض الاشخاص يشتكون ان الخلفيه تكون سوداء ..

مثال : انت احين بالليل جالس في كوفي شوب والاناره خفيفه وتبي تصور صديقك بالفلاش .. اهني الخلفية بتكون سوداء بعدين بتعصب بتقول انا ابي تظهر بالصوره الخلفيه والمكان ..

شنو الحل :

شغل الفلاش واختار خاصية مشهد طولي مظلم وحاول قد ماتقدر تكون يدك ثابته .. اهني الخلفيه بتكون واضحة والاضائات والمكان بيطلع بشكل واضح ..

6 - خاصية المشهد العرضي :

وهاي الخاصية تستخدم بالنهار وتستخدم هالخاصية للمدى البعيد .. مثال : اذا بتصور مشاهد بعيده جدا ....

8 - المايكرو والمستند : (( مهم ))

الكثير من الاعضاء مايعرفون شنو مايكرو ومتى يستخدمونها .. والبعض يشتكي بعدم وضوح التفاصيل للعناصر او الاجسام القريبة للعدسة .. .

المايكرو تستخدم من تصور اشياء قريبة جدا مثل ورده او مفتاح .. الخ الاشيا الي قريبة جدا من العدسه ...

والمستند مثل مايكرو .. ولكن يستخدم لتصوير الرسومات او الاوراق او المخططات او المستندات .. الخ .. وهاي ترا خاصية مفيده للبراشيم خخخ

..................................

التحكم بالاضائة :

احيانا تحتاج لتعدل الااء في بعض المشاهد قد تكون الاضائة قوية اهني لازم تخفض من قوه الاضائة او العكس ..


وبعطيكم مثال بالصور :

* اهني الاضائة طبيعية +- ( 0 . 0 )


وكان اضائة الشمس قوية وكان الجو شوي مغبر مما بيسبب احيانا انه بتكون اللوان فاتح ...

* اهني خفضت حجم الاضاء على شان تكون الصوره اكثر لمعان (( - 1.0 ))




.............

وهاي مثال ثاني

اضائة طبيعية +- ( 0. 0 )


تم تخفيض الاضاء - ( 0.7 )




يتم التحكم في الاضائة على حسب المكان والبيئة ..


ولكن اكثر الاوقات مابتحتاج الى ضبط الاضائة ويكفيك +- ( 0.0 )

................



واتمنى تعم الفائدة على الجميع

التوقيع

:: لا خير في كاتم العلم :: القرآن الكريم اقتباس لا تجعل عناوين مواضيعك مكررة"خصوصا في محركات البحث" بل اختر لنفسك عناوين مواضيع مميزة واكثر نجاحاً .. واختر كلمات تناسب محركات البحث ... لكي تكن انت الأول دائماً ... اقتباس مطلوب مشرفين ذو كفاءة عالية .. وشباب شعلة للرفع الخاص للمنتدى والمواضيع الحصرية سوف اضع بصمتي في كل مكان في عالم الانترنت * تنبيه : أي موقع يظهر في الاعلانات داخل موقعنا ومخالف لديننا الحنيف .. اتمنى التبليغ عنه عن طريق مراسلتي عالخاص وسوف اقوم بحظره مباشرة .. ولكم الاجر ان شاء الله

حلو حلو يعطيك ألف عافية..
وفيه البانوراما بعد وهي يعني تاخذ صورة واسعة و طويلة وممتدة للمكان اللي تبغى تصوره
حلووووه مره للمناظر الطبيعية !

شكرا على الاضافة الحلوة

تحياتي

مشكور اخوي على الموضوع والله يعلم شكثر انا استفت منه بس عندي سؤال بسيط ابي اعرف اطارات الكاميرا اقدر انزل لهم اطارات يديده او لا و شكرا

والله معلومااات قيمه جدا .....==>وفي قمه الروعه
جزاكالله الف خير
لكن جوالي ماافيه كل هذي امميزات ..معد انه سوني اركسوون ...S500i الشكو لله ماافهم في هذي الاشياء
يوم شريته تندمه ... ع قولتهم مع الخيل يااشقى ..قلنااا الجوال لونه حلو ويكلم ..==> حركااات شفتو اشلون
يالله انشاء الله .. اذا جيت اشتري جوال جديد اكيد بستشيرك

شكرا لك ..
اختك ...
...<< ام صعفق >>...

بالنسبة للاطارات ماعندي فكرة


اما بالاستشاراة في الجديد حاضرررين والله


حياكم حياكم